Thursday, December 18, 2008

അല്‍-ഐനിലെ കുന്നുമ്പുറം - Jabel Hafeet

അല്‍-ഐനിലെ ഒരു 'കുന്നുമ്പുറത്തേക്ക്" ഒരു യാത്ര.. ഈ യാത്ര എന്നും ഇഷ്ടമാണ്. അതിനു മുകളില്‍ എത്തിയാല്‍ ഒരു വിശാലമായ മൈതാനം പോലെയുള്ള ഒരു സ്ഥലവും അവിടെ ഒരു റസ്റ്റോറന്റും ഉള്ളതൊഴിച്ചാല്‍ മറ്റു വലിയ ആകര്‍ഷണങ്ങള്‍ ഒന്നും അവിടെയില്ലെങ്കിലും അലൈന്‍ നഗരത്തിന്റെ പ്രാന്തപ്രദേശങ്ങള്‍ കിലോമീറ്ററുകളോളം ദൂരത്തില്‍ അവിടെ നിന്ന് കാണാം എന്നതും, പിന്നെ അവിടേക്കുള്ള ഡ്രൈവിങ്ങും ആണ് എനിക്ക് ഈ സ്ഥലം ഇഷ്ടമാവാന്‍ ഒരു കാരണം.


1. കുന്നുമ്പുറത്തൊരു പ്രൈവറ്റ് പ്രോപര്‍ട്ടി

2.

3. വിശാലമായ മൈതാനത്ത് കളിക്കുന്ന അച്ചു
ഈ മൈതാനം രാത്രി ആയാല്‍ അറബിപ്പിള്ളേര്‍ക്ക് കാറുകള്‍ കൊണ്ട് അഭ്യാസം കാണിക്കാനുള്ള ഒരു സ്ഥലമാണ്. ചില ചിത്രങ്ങളിലെ ടയറിന്റെ പാടുകള്‍ നോക്കിയാല്‍ മനസ്സിലാകും. ആദ്യമായി ഞാന്‍ അവിടെ ചെല്ലുന്ന സമയത്ത് (1999-2000) ഈ മൈതാനത്ത് ഇന്റര്‍ലോക്കോ ചുറ്റും വേലിയോ ഒന്നുമുണ്ടായിരുന്നില്ല.

4. വേലിക്കെട്ടിന്റെ ഒരു കമ്പി ഇളകിയതിനിടയിലൂടെ ഇറങ്ങി ഫോട്ടൊക്ക് പോസ് ചെയ്യുന്നവര്‍.
5.
അടിവാരത്തു നിന്നും ഒന്‍പത്-പത്ത് കിലോമീറ്റര്‍ ദൂരം, കുത്തുകയറ്റം വണ്ടി ഓടിച്ച് കയറ്റുക എന്നത് ഒരു നല്ല അനുഭവം തന്നെ. ചിലപ്പോള്‍ ഒക്കെ ഗ്രേഡിയന്റ് 1 in 2 ആണോ എന്ന് പോലും തോന്നിപ്പിക്കുന്ന കയറ്റമാണ് ഈ റോഡിലുള്ളത്. ഇടക്ക് 'നാടുകാണി' പോലെയുള്ള സ്ഥലങ്ങള്‍. അവിടെ നിന്ന് നിങ്ങള്‍ക്ക് താഴ്വാരത്തില്‍ ഉള്ള പാര്‍ക്കിന്റെയും മറ്റും ഭംഗി ആസ്വദിക്കാം.

6.

7. ഈ വഴിയുടെ ഭംഗി കാണൂ.. എങ്ങനെയുണ്ട്?

8.
9. ഏഴെട്ടു വര്‍ഷങ്ങള്‍ക്ക് മുമ്പ് ഇത്ര പച്ചപ്പ് ഈ താഴ്വാരത്തില്ലായിരുന്നു.
10.
താഴ്വാരത്ത് ഒരു വിശാലമായ പാര്‍ക്കും തടാകവും എല്ലാം ഉണ്ട്. ചൂട് വെള്ളം ഒഴുകുന്ന ഒരു 'അരുവി'യും അവിടെയുണ്ട്. അങ്ങോട്ടു പോകുമ്പോഴോ തിരികെ വരുമ്പോഴോ അവിടെയും കയറാം,
11. തല്‍‍ക്കാലം തടാകത്തിലെ തിലോപ്പിയകളുടെ ഭംഗി ആസ്വദിക്കൂ..
12. വിശാലമായ തടാകവും ഫൗണ്ടനും
ബാക്കി കുറെ ചിത്രങ്ങള്‍ ഉണ്ട്. അതെല്ലാം കൂടി ഇവിടെ അപ്‌ലോഡ് ചെയ്ത് കുളമാക്കുന്നില്ല. ബാക്കി ചിത്രങ്ങള്‍ കാണാന്‍ ഇവിടെ ക്ലിക് ചെയ്തോളൂ.
ജബല്‍ ഹഫീതിനെ കുറിച്ചുള്ള വിവരങ്ങള്‍ വിക്കിയില്‍ പറയുന്നത് കാണൂ..

10 comments:

അനില്‍ശ്രീ... said...

അല്‍-ഐനിലെ ഒരു 'കുന്നുമ്പുറത്തേക്ക്" ഒരു യാത്ര.. ഈ യാത്ര എന്നും ഇഷ്ടമാണ്. അതിനു മുകളില്‍ എത്തിയാല്‍ ഒരു വിശാലമായ മൈതാനം പോലെയുള്ള ഒരു സ്ഥലവും അവിടെ ഒരു റസ്റ്റോറന്റും ഉള്ളതൊഴിച്ചാല്‍ മറ്റു വലിയ ആകര്‍ഷണങ്ങള്‍ ഒന്നും അവിടെയില്ലെങ്കിലും അലൈന്‍ നഗരത്തിന്റെ പ്രാന്തപ്രദേശങ്ങള്‍ കിലോമീറ്ററുകളോളം ദൂരത്തില്‍ അവിടെ നിന്ന് കാണാം എന്നതും, പിന്നെ അവിടേക്കുള്ള ഡ്രൈവിങ്ങും ആണ് എനിക്ക് ഈ സ്ഥലം ഇഷ്ടമാവാന്‍ ഒരു കാരണം.

സുല്‍ |Sul said...

കുന്നുമ്പുറം കാഴ്ചകള്‍ മനോഹരം.

-സുല്‍

kaithamullu : കൈതമുള്ള് said...

അനില്‍,
ഈദിന്റന്ന് കുന്നുമ്പുറത്ത് കേറി,
പിന്നെ താഴെ വന്ന് ചൂട് വെള്ളത്തില്‍ കാലിട്ട്,
പെണ്ണൂങ്ങളുടെ നഗ്ന പാദങ്ങള്‍ (അത്രേ പറ്റൂ) ആസ്വദിച്ച്‍ കറങ്ങി നടക്കുന്ന പട്ടാണികളേയും നോക്കി ഇരുന്നൂ, ഒരു മണിക്കൂര്‍!

-അന്ന് കിട്ടിയ ജലദോഷം മാറിയിട്ടില്ലിത് വരെ...ചുമയും!

പൈങ്ങോടന്‍ said...

കൊല്ലാടാ ആ വഴികളുടെ പടങ്ങള്‍ എന്നെ ഹഠാദാകര്‍ഷിച്ചു :)

ബിന്ദു കെ പി said...

അനിൽ,
ഈ ഫോട്ടോകൾ അസ്സലായിരിക്കുന്നു.
ഞങ്ങൾ സൂ കണ്ടശേഷം രാത്രിയാണ് കുന്നിൻ‌പുറത്തേക്ക് പോയത്. കാറിൽ നിന്ന് പുറത്തേക്കിറങ്ങിയതും കിടുങ്ങിപ്പോയി!കഠിനമായ തണുപ്പ്! ഏതായാലും ഇതുവരെ വന്നതല്ലേ എന്ന് വിചാരിച്ച് ഒന്നു ചുറ്റിനടന്നശേഷം ഓടി കാറിൽ കയറി.അറബികളുടെ തീറ്റയും കുടിയും പൊടിപൊടിയ്ക്കുന്നുണ്ടാ‍യിരുന്നു അവിടെ മൊത്തം. രാത്രി കുന്നിൻ‌മുകളിൽനിന്നുള്ള കാഴ്ച മനോഹരമായിരുന്നു. നക്ഷത്രങ്ങൾ വാരിവിതറിയപോലെ. പക്ഷേ ക്യാമറയിൽ ഒന്നും വ്യക്തമായില്ല.(ഫോട്ടോ എടുക്കാൻ അറിയാഞ്ഞിട്ടാവും)

ദീപക് രാജ്|Deepak Raj said...

nice photos...

പ്രിയ said...

മനോഹരമായ സ്ഥലം. നന്ദി അനില്‍ശ്രീ.

നെന്മേനി said...

mmmmm....nice..

http://harisnenmeni.blogspot.com/

പ്രയാസി said...

അനിലേ..
നല്ല ഫോട്ടോസും വിവരണവും..:)

അനില്‍ശ്രീ... said...

അഭിപ്രായം അറിയിച്ച എല്ലാവര്‍ക്കും പ്രത്യേക നന്ദി.

സന്ദര്‍ശകര്‍ വന്ന വഴി

ഈയിടെ വന്ന അഭിപ്രായങ്ങള്‍